ლორდი ვოლდემორი

ვიკიპედიიდან, თავისუფალი ქართულენოვანი ენციკლოპედიიდან

ჰარი პოტერის სამყაროს პერსონაჟი
რალფ ფაინსი ვოლდემორის როლში ფილმ ჰარი პოტერი და ფენიქსის ორდენი
ლორდი ვოლდემორი
სქესი	მამრობითი
თმის ფერი	მელოტი
თვალების ფერი	წითელი
ფაკულტეტი	სლიზერინი
მხარე	სიკვდილის მხვრელი
პირველი გამოჩენა	ჰარი პოტერი და ფილოსოფიური ქვა
ფილმში როლები	რალფ ფაინსი

ლორდი ვოლდემორი არის პერსონაჟი ჰარი პოტერის სერიებიდან. ვოლდემორი პირველად გამოჩნდა ჰარი პოტერი და ფილოსოფიურ ქვაში, რომელიც გამოიცა 1997 წელს.

პერსონაჟი [რედაქტირება]

ტომ მერვოლო რიდლი,(ტომ რიდლი მამის სახელი და გვარი, ხოლო მერვოლო კი-მერვოლო გონტის, ანუ პაპამისის სახელი) დედის მხრიდან ჰოგვორტსის ერთ-ერთი დამფუძნებლის, სალაზარ სლიზერინის პირდაპირი შთამომავალია, ხოლო მამა უბრალო მაგლი ჰყავდა,რომელიც თვითონვე მოკლა, ამის შემდეგ თავის თავს ლორდი ვოლდემორი უწოდა. მისი ჯადოქრული ისტორია 11 წლის ასაკში დაიწყო, როდესაც ალბუს დამბლდორი მივიდა მასთან თავშესაფარში და ჰოგვორტსში სწავლა შესთავაზა. პატარა ვოლდემორი უპატრონო ბავშვთა თავშესაფარში იზრდებოდა, რადგან დედამისი მასზე მშობიარობას გადაყვა, მამამ კი დაბადებამდე მიატოვა. ტომმა სკოლაში თავისი ბანდა ჩამოაყალიბა. იგი იმდენად კარგი მეთაური აღმოჩნდა, რომ მისი ბანდის წევრები ერთხელაც არ შეუნიშნავთ დანაშაულის ჩადენის დროს. ჰოგვორტსში სწავლის დროს ტომმა მოახერხა საიდუმლო ოთახის გახსნა და იქიდან ურჩხულის გამოშვება, რომელმაც ერთი სტუდენტი შეიწირა, მაგრამ ტომმა მოახერხა და ეს დანაშაული რუბეუს ჰაგრიდს გადააბრალა, რომელიც იმ დროს ჰოგვორტსში სწავლობდა, ჰაგრიდი მაშინ სკოლიდან გააგდეს და ჯადოსნური ჯოხი გადაუტეხეს, მაგრამ დამბლდორმა, რომელიც მაშინ ტრანსფიგურაციას ასწავლიდა, დაითანხმა სკოლის დირექტორი, არმანდო დიპეტი, რომ ჰაგრიდი მიწების მცველად დაეტოვებინა.

სკოლაში სწავლის პერიოდში ვოლდემორი საიდუმლო ოთახის გაღებას მეორედ ვეღარ შეძლებდა, ამიტომ მან შეჰქმნა ჰორკრუქსი, ნივთი რომელშიც შავი მაგიის გამოყენებით ჯადოქარი თავის სულის ნაწილს დებს, სულის გახლეჩა კი მხოლოდ ადამიანის მკვლელობით შეიძლება. ვოლდემორის პირველი ჰორკრუქსი დღიური აღმოჩნდა. მას ეს ნივთი საიდუმლო ოთახის ხელმეორედ გასაღებად სჭირდებოდა. მას სურდა რომ მისი დღიური ჰოგვორტსის რომელიმე მოსწავლეს ჩავარდნოდა ხელში, რომ მის სულს დაემონებინა და საიდუმლო ოთახი კვლავ გაეღო. სკოლის დამთავრების შემდეგ იგი გაურკვეველი მიმართულებით გაემგზავრა შავი მაგიის შესასწავლად. ვოლდემორს სურდა რომ ყველაზე ძლიერი ჯადოქარი ყოფილიყო და თავის მიზანს თითქმის მიაღწია. ერთადერთი ადამიანი ვისიც ყოველთვის ეშინოდა, ალბუს დამბლდორი იყო. ვოლდემორის ძლიერების ხანაში გაკეთდა წინასწარმეტყველება რომელშიც ნათქვამი იყო, რომ გამოჩნდებოდა ბავშვი რომელიც დაიბადებოდა მეშვიდე თვის მიწურულს და რომლის მშობლებიც ორჯერ გამოიწვევდნენ ვოლდემორს. ვოლდემორი აღიარებდა მას და მაშინ ვერც ერთი ვერ ჰპოვებდა სიმშვიდეს სანამ ცოცხალი იქნებოდა მეორე. საინტერესო ის იყო რომ ასეთი ორი ბავშვი აღმოჩნდა , ნევილ ლონგბოტომი და ჰარი პოტერი.